Nú er ég farin, meinilla farin og búin að vera....

Neitz grín ég er sko ekki búin að vera heldur bara að skipta um blogg...

Já ég er s.s hér með hætt með þessa bloggsíðu vegna óviðráðanlegra orsaka og NEI það er ekki útaf þér geðsjúklingur, aðrar ástæður liggja þar á bak við.

En þið hin sem mér líkar við þá eru upplýsingar á msn 

Hér hefur verið gaman að vera en hinu megin verður líka fjör

Þarna úti gengur greinilega laus manneskja sem er mikið veik á geði. Vinsamlegast verið á varðbergi hún getur verið hættuleg sálarlífi ykkur. Ef þið sjáið til hennar hlaupið í skjól, hringið í 112 og biðjið um gúmmíbílinn á forgangi.

Ástæða þessa er ógeðsleg færsla í gestabækur okkar systra undir titlinum "Akkúrat já"

Ef þið lesið þessa færslu vil ég vinsamlegast biðja ykkur um að hafa í huga að þarna er á ferð sjúkur einstaklingur sem hefur greinilega einstaklega gaman af að ljúga uppá fólk sem getur ekki borið hönd fyrir höfuð sér þar sem það er látið og hefur auk þess ótrúlega ánægju af að rífa hjartað úr saklausu fólki hér á almennum vettvangi. Ég díla við sorgina á hverjum degi í öllum myndum, þar sem ég missti yndislegann bróður minn mjög óvænt fyrir um 15 mánuðum. Ég veit það alveg sjálf að bróðir minn var ekki fullkominn en hann var heldur ekki þetta skrímsli sem þessi hryllingur lýsir honum sem. Ég elskaði hann nákvæmlega eins og hann var og svona skrif undir nafnleynd fær engu breytt um það.

En ég get alveg sagt að þú er ekki búin að heyra það síðasta frá mér vinan...

Vinsamlegast commentið hvað ykkur finnst um þessi ósköp... UNDIR NAFNI TAKK!

Það er verið að pynta mig til dauða hérna... ég sverða! Ég er í tölvuteikningu og þetta er hreinlega bara það leiðinlegasta sem ég hef gert í langann tíma omg... I want to break free! En fréttir... Ég fékk vin minn Simon í heimsókn um helgina og var það bara svaða fínt. Ég sýndi honum aðeins af borginni þegar ég var búin að sækja hann á völlinn á föstudagskvöldið svo fórum við bara heim að horfa á mynd..ir.. Á laugardaginn fórum við svo að búðarottast og hafa það gott, fengum okkur brunch í kringlunni, fórum í ríkið og keyptum okkur áfengi fyrir kveldið. Um níuleytið kom svo Solla mín og sótti okkur og við fórum heim til Ingu og Kristjáns, drukkum þar og höguðum okkur eins og hálfvitar... röltum svo í bæinn og duttum inn á hressó hehe ógó gaman en við Simon fórum heim um hálf fimm... lágum svo bara og höfðum það gott þar til hann fór aftur í flug! Ég er svo að fara norður um helgina á allsherjar fyllerý... hehe eða svona kannski að fá mér í aðra, jafnvel báðar stórutærnar. Shalom....

Jæja....

Það er sól og hiti í höfuðborginni og ég er inni í iðnskólanum í Hafnarfirði.... loftræstikerfið er ekki í gangi þar sem húsvörðurinn er á leið út í lönd og gleymdi að kveikja á því hérna á efri hæðinni arrrr og við inní tölvustofu. Brain cooking, ég get ekki einu sinni hugsað hálfa hugsun hvað þá þegar ég er hér að reyna að skilja raflagnateikingu... Ekkert gengur að múta Bjögga til að leyfa okkur að fara út og skoða raflagnir þar, ein er búin að hóta að við förum úr að ofan og ég meira að segja reyndi að hóta því að stökkva út um gluggann....

Hjálp anyone please

Hehe ég líka bleikt ský liggaliggalálá....

En það er fyrirferðamikið, en ó mæ hvað það er notalegt

Reyni að ýta því burtu en það þrumast alltaf framan í mig aftur, hvað skal gera??

Kenni Sonju og Halldóri algerlega um þetta skýfall eða ský ris hmmm... TAKK!

Hlakka til að vera ég um helgina... bannað að hringja í mig

Þangað til næst er ég á bleiku skýi...

Jæja góðir hálsar. svoldið langt síðan síðast en þetta hefst nú allt með kalda vatninu er þaggi??

Eins og stendur geri ég lítið annað í tölvum en að teikna einhverja algerlega ónauðsynlega hluti, bæði í skólanum og heima. En hér er ég komin að segja ykkur fréttir af mér og mínum. Ég er í skólanum, vinn og er meira í skólanum vinn svoldið meira og fer svo aftur í skólann. Þetta eru mínir tilbreytingarlausu dagar... Annars var hér góður drengur sem kom með þá hugmynd að ég myndi skella mér í smá ferðalag með honum og einum öðrum út fyrir landssteinana.. ekki vitlaus hugmynd það þar sem ég þarf alveg smá hvíld frá hversdagsleikanum. Danaveldi kallar og dýrari týpan er heit fyrir uppástungunni, nema allt þetta kostar peninga. Ferðafélagarnir yrðu nú samt ekki af verri endanum. Flug út með Ragga og Veigari og hittingur í Köben með Kjartani og Gumma hvernig lýst ykkur á þetta. Nú er bara að vona að ég vinni í lottóinu og geti farið með. Annars er víst líka uppi einhver umræða um að ÍTK sé með ferðalag á prjónunum og það ekki af verri endanum... San fransico hellú, maður ætti kannski bara að spara lottóvinninginn fyrir þá ferð og versla eins og geðsjúklingur í þeirri borg enda victoria secret búðir þar á hverju götuhorni

Sjáum til kannski er Ásgerður að fara í flug?

Annars langar mig óttalega mikið að fara til litlu diddu minnar á Tene en það kostar náttúrulega líka mikla mikla peninga og maður er svona að skoða hvernig er hægt að framkvæma þann draum en þetta fer nú allt að koma í ljós. Annars hverfa peningarnir af debet kortinu mínu eins og þeim sé borgað fyrir að hlaupa... Ný gleraugu á barnið, söngskóli fyrir barnið, skóladót fyrir barni og svo vantar barninu stígvél og regngalla

Lottó I need you

Heyrðu, hafiði velt því fyrir ykkur hvernig venjuleg manneskja í stórborg eins og Reykjavík getur verið að keyra bara í sakleysi sínu og allt í einu næstum því búin að keyra á kanínu?? Ég hafði ekki gert það fyrr en það kom fyrir mig í dag, hún var þarna bara eitthvað að hoppa út á miðri götu... fór svo bara að éta gras eftir að hafa næstum gefið lífveru sem er efst í fæðukeðjunni hjartaáfall....

P.s hún var hvít

Þangað til næst eruð þið svikara hérar

Ég er enn og aftur í skólanum ógó dugleg, er svo að fara að vinna og svo bara brun norður í land mjahhhh.....

Ég er í skólanum

Hvernig væri góðir hálsar að þið færuð nú að draga hausinn upp úr sandinum og átta ykkur á því að tæki eins og bílar og fleira sem gengur fyrir bensíni og þið getið þrumast voða hratt á um borgir og sveitir eru manndrápstæki?

MANNDRÁPSTÆKI....

Það er ekki bara það að fólk sem keyrir of hratt, of ógætilega, fiktar í græjunum á ofsahraða, drekkur undir stýri og gerir önnur eins heimskupör er ekki bara að stofna sér í hættu heldur líka þeim sem eru með þeim í bílnum og þeim sem mæta þeim á sínum bílum kannski í sakleysi sínu að fara í sveitina að heimsækja barnabörnin á löglegum hraða. Eins geta aðstæður á vegum beinlínis verið þannig að þú verður að hafa hugann 110% við það sem þú ert að gera þegar þú stjórnar ökutæki sem er kannski eins og hundrað hestar í höndunum á þér. Hættið þessum sjálfselsku hugsunarhætti "það kemur ekkert fyrir mig"... Það getur bara víst komið fyrir þig eins og alla aðra. Hugsaðu líka um þá sem eftir sitja ef þú ræður ekki við tækið og munu kannski aldrei sjá þig aftur. Smá umhugsun og ég held að gróflega áætlað gætu kannski 100 manns þjáðst mismikið á sálinni eftir eitt banaslys í umferðinni. Átta banaslys bara í ágúst gefa okkur 800 þjáðar sálir á einum mánuði.

Hægðu á þér, leggðu fyrr af stað ef þú þarft að mæta á ákveðnum tíma, ef ekki hugsaðu þá um það að þú kemur kannski aðeins seinna en þú kemur þó... Tíu mínútum seinna ef þú keyrir löglega en margfalt meiri líkur á að þú lifir það ekki af eða verðir öðrum háð/ur með allt það sem eftir er ævinnar. Nema þú sleppir með skrámur en þurfir að hafa það á samviskunni alla ævi að hafa tekið móður frá börnunum sínum eða barn/börn frá foreldrum.

Spenntu beltin og hugsaðu.....

Jæja Ásgerður skellti sér í sveitina um helgina og var það bara fjör

Fékk far með gamla settinu norður þannig að praktískt séð var ég bíllaus þarna á hjara veraldar en það var nú í lagi. Komum um hálf tíu á Reykjarhól en að sjálfsögðu ekki fyrr en við vorum búin að kíkja á nýbygginguna á Sjónarhóli sem þrusast áfram, held bara að þau geti bráðum farið að flytja inn.

Fengum okkur örlítinn öllara þarna á föstudagskvöld í tilefni þess að heimilis faðirinn átti afmæli. Svo á laugardaginn fór ég í krókinn með tertuna (þýsk) og kíkta að sjálfsögðu á Herdísi mína og framkvæmdirnar sem eru þar í gangi, aðeins verið að breyta þar útliti hússins. Truflaði hana s.s frá vinnu kannski aðeins of lengi.

Hrefna ég sá þig á rúntinum og reyndi að hringja til að fá þig í einn bolla með mér af því ég komst ekki í afmælisveisluna. Manst það næst að svara í símann

Þurfti svo að vera komin á Sjónarhól kl hálf sjö til að taka vinnumennina með mér heim þar sem Halldór fór snemma til að fara með sinni heittelskuðu út að borða.

Fengum okkur að sjálfsögðu aftur bauk(a) um kvöldið og sat ég víst og kjaftaði til hálf átta um morguninn hehe

En það er öruggt að ég fer allavega einu sinni ef ekki bara tvisvar aftur norður áður en fjórar vikur verða liðnar, jahhh kannski þrisvar sjáum til...

Það er fallegt í sveitinni hehe

Þangað til næst eruð þið harðduglegir og sólbrúnir smiðir

Jæja, þá er skólinn byrjaður á skrilljón og tíu. Ég hélt að fyrsta vikan yrði voða nett og fín en nei maður er bara sveittur við tölvurnar hérna allann daginn og fær sko ekkert frí. Svona lýtur þetta s.s út hjá mér:

Mánudagur: Mannvirkjateikning frá 8-12.20

Þriðjudagur: Innréttingateikning frá 13-17

Miðvikudagur: Húsateikning frá 8-12.20 og Tölvuteikning frá 13-17

Fimmtudagur: Photo shop frá 8-12.20 og Raflagnateikning frá 13-17

Föstudagur: Kortateikning frá 8-12.20 og Íþróttir frá 13-14.15

Brjálað að gera hjá mér, tjellingin í 23 einingum þessa önnina og þremur vinnum auk þess að vera einstæð móðir. Leikið þetta eftir elskurnar.

En svona annars er það af mér að frétta að ég ætla að skella mér norður um helgina og kíkja á nýja einbýlishúsið sem er að rísa þarna á Sjónarhóli. Svo er ammæli hjá henni Hrefnu minni og aldrei að vita nema maður reki inn nefið þar líka. Annars verð ég bíllaus þarna fyrir norðan þar sem ég ætla að fá far bara hjá Gumma mínum þar sem bremsurnar eru eitthvað orðnar lélegar á bílnum mínum og ég kannski treysti mér ekki alveg til að keyra bílinn sérstaklega þar sem bebeið mitt verður með í för

Jæja ég er farin í mat túllúdds

Jæja ég er búin að afpakka og hætt við að fara í klaustur á Borðeyri.

En hér er fínt að frétta... Föstudagskvöld kveðjupartý fyrir Stefý sem heldur á vit ævintýranna eftir viku og hyggst hefja störf sem barnapía í hinu fjarlæga landi Ítalíu. Það verður söknuður að hafa hana ekki sérstaklega þar sem gellan er búin að sanna það að þetta sé bara hattastandur sem er fast þarna ofan á líkamanum á henni. Ég fer samt úr þessu partýi eldsnemma þar sem fitness meistarinn hefur hafið störf aftur sem glasabarn á hinum margrómaða sportbar Players í Kópavogi og mun hún mæta galvösk á kantinn á slaginu 11 í kvöld. Á morgun ætla ég að vera hressleikinn uppmálaður og fara í bæinn með sys ef hún kemur annars bíður fólk í röðum eftir að hitta mig þannig að ég verð ekki mikið í vandræðum með að finna ferðafélaga í bæinn. Ef þig langar með mér þá máttu hringja ekkert mál. Svo er það bara vinnan sem kallar og skunda ég á Players aftur annað kvöld klukkan tuttugu og eitt hundrað.

En í gær fór ég í grill í Selskógi við Grindavík og var það heljar fjör. Grilluðum kjúklingaspjót og grænmetisspjót að hætti Guðrúnar Ástu og bræddum súkkulaði og dýfðum í það dýrindis jarðarberjum. Fórum í skotbolta og höguðum okkur eins og hálfvitar. Sveinn þurfti náttúrulega að minnast á það að ég væri aldursforsetinn í hópnum en ég varð mjög fegin þegar Gerða kom labbandi og hirti af mér titilinn. Eftir átveisluna var svo farið í lónið og kíkt á sætu strákana í sundskýlunum, fengið sér ís og strýtt gæslustrákunum. Bæðövei... einn þeirra lét mig vita af því að ég minnti hann á Angelinu Jolie hahhhhhh (ég vissi það að ég minnti mig á einhvern) ekki leiðum að líkjast.

Jæja ég er hætt í bili... heyrumst á morgun... reyni eins og ég get að koma ykkur að

Þangað til næst eruð þið sveppasafi

Jæja þá er vertíðin búin í bláa, en ég kveð það með söknuði þar sem þetta var nú fjandi góður vinnustaður og FRÁBÆRT fólk sem ég var að vinna með. Ég hef það samt á tilfinningunni að ég sé nú kannski ekki alveg búin að losa mig við alla nýju vini mína þó ég sé hætt að vinna þarna. Ég er t.d að fara í grill til Bubba vaktstjóra á morgun eða hinn með genginu til að eyða starfsmannasjóðnum feita

En talandi um bláa... það var sumarlokahátíð á föstudaginn síðasta og Ó hvað það var geðveikt gaman. Byrjuðum á því að hittast við lónið og þar var okkur skipt í lið þar sem framundan var hörkuspennandi keppni í amazing race. Þrír í liði og byrjað á að fá skot af tópas. Svo byrjaði fjörið... við þurftum einhvern veginn að koma okkur til Grindavíkur og verða fyrst að sjálfsögðu. Þar áttum við að fara í sundlaugina og einn úr liðinu átti að finna hring með sínum lit í lauginni. Þar fengum við svo vísbendingu og áttum að fara niður á höfn og annað hvort að veiða einn fisk eða fylla tveggja lítra flösku af vatni með matskeiðum . Önnur vísbending og þá áttum við að koma okkur á lokal barinn og annað hvort að drekka þar fjóra bjóra á lið eða hitta þrisvar í miðjuna á píluspjaldi (auðvelt val) Þriðja vísbending og við áttum að koma okkur á golfvöllinn. Þar áttum við að finna þrjá hluti sem byrja á R, fara með frumsamið ljóð og fara svo tvo hringi á púttvellinum. Hehe Ásgerður og hennar lið endaði í þriðja sæti. Svo var skundað á Lukku Láka og borðað grillað lambalæri með öllu tilheyrandi og rauðvín með. Svo var bara farið að tralla, sungið í karókí og tjúttað frír bjór og svaka stuð fram eftir nóttu. Ég fór samt um hálf tvö þar sem farið mitt var alveg að deyja og þurfti að komast heim. En ég hélt að sjálfsögðu áfram og skellti mér á sálina á players þar sem ég hitti hinn margumtalaða Gumma

Kjartan keyrði mig svo heim um sexleytið

Mikið gaman mikið fjör

Jæja maður farinn að velta því fyrir sér hvort Borðeyri sé ekki bara málið...

Hlutirnir eru allavega ekki alveg að ganga hérna megin og ég hef naumann tíma

Ég er byrjuð að pakka. þetta er hell!!!!!!!!!!!!!!!

Ég er á lífi, ég lofa

En í fréttum er kannski þetta helst....

Ég var að vinna alla helv... verslunarmannahelgina en það var fínt mikið að gera og þá liðu dagarnir áfram eins og smurt. Átti reyndar líka að vera að vinna á mánudeginum en mr.B sagði að ég þyrfti ekki að mæta þannig að mín skellti sér bara á djammarann á sunnudagskvöldi. Byrjaði á því að bruna heim til Ragga og drekka þar eins og þrjá bjóra eða svo með Kjartani, Ragga, Gauja og Veigari og svo var bara tekinn göngutúr á þetta beint á Players (a.k.a heim). Þar var tjúttað aðeins og tekið á því og náttúrulega beðið eftir að restin af liðinu kláraði að vinna en þá var tekin bein lína á Goldfinger hehe þar sem stemmingin hélt áfram. Fór svo heim að kúra um hálf átta á laugardagsmorgunn og hreyfði mig ekki fram úr rúminu fyrr en um fjögur.

Næst á dagskrá er svo bara að taka aðeins á því á föstudagskvöld þar sem sumarlokahátíð bláa verður haldið með pomp og prakt og heyrist eitthvað hvísl um að það verði eitthvað um amazing race þarna á suðurnesjunum. Vorum svo eitthvað að ræða um að kíkja kannski í bústað á vatnsleysuströnd um helgina en það er spurning hvernig það fer þar sem allir strákarnir eru víst að vinna á sálarballi á föstudagskvöld. En ef svo fer þá mæti ég náttlega bara þangað eftir djammið í bláa

Og svo förum við örfáa daga fram í tímann eða eins og tvær vikur eða svo en skólinn er alveg að fara að byrja... hvernig líst ykkur á það?? Ahhhhhhhhh

Jæja góðir hálsar ég er farin í ljós... þessi brúnka er alltof fljót að fara og þar sem mér finnst það fara mér svo andskoti vel að vera tönuð þá er ég að hugsa um að viðhalda því bara

Þangað til næst eruð þið steikt

L8TR